[A:11b] bka' gdams rgyud pa 'di pa'i lugs kyi dngos slob tu bzhed do/ /de la slob dpon tsantra go mi la sogs pa slob ma mang du byon pa las/ sras kyi thu bo rig pa'i khu byug che ba ni bra ze'i rigs las rab tu byung zhing / gzhon nu'i dus nas zla ba grags pa'i spyan sngar mkhas par sbyangs nas grub pa brnyes te/ sangs rgyas kyi bstan pa gsal bar mdzad cing / lo sum brgya'i bar du bzhugs so/ /de'i slob ma rig pa'i khu byug chung ba ni/ thog mar mtshan nyid theg pa la mkhas par sbyangs/ klu sgrub yab sras kyi dgongs pa thugs su chud de rdo rje theg pa'i lam la rten nas mchog gi dngos grub brnyes so/ /bla ma kha cig 'di ri nag po'i khong seng na bzhugs pa'i bla ma a wa dhu ti pa dang don gcig gsungs la/ zab mo lta ba'i rgyud pa/ de dag gi yon tan rdzogs par ni dpal ldan a ti sha nyid la mnga' ba yin no/ /shing rta'i srol 'byed gnyis pa rgya chen spyod pa'i brgyud pa byams pa'i rjes 'brang thogs med sku mched byon tshul ni/ mdo dgongs 'grel gyi 'grel chen du lung drangs par/ nga ni mya can 'das 'og tu/ /lo ni dgu brgya lon pa na/ /zhes dang / 'jal dpal rtsa rgyud las/ thogs med ces bya'i dge slong ni/ /bstan bcos de ni don la mkhas/ /mdo sde nges don drang ba'i don/ /rnam pa mang po rab tu 'byed/ /'jig rten rig pa ston bdag nyid/ /gzhung 'byed ngang tshul can du 'gyur/ /de yi rig pa grub pa ni/ /sa la'i pho nya mo zhes brjod/ /de yi sngags kyi mthu yis ni/ /blo ni bzang po skye bar 'gyur/ /bstan pa yun ring gnas