[A:12a]bya'i phyir/ /mdo yi de nyid don sdud byed/ /lo ni brgya dang lnga bcu 'tsho/ /de lus zhig nas lha yul 'gro /'khor ba rnams su 'khor ba na/ /yun ring bde ba rjes myong nas/ /bdag nyid chen po mthar gyi de/ /byang chub thob pa 'gyur ba yin/ /zhes lung bstan te/ de yang chos mngon pa la dgra lan gsum byung ba'i tshe/ bram ze mo gsal ba'i tshul khrims zhes pas/ rgyal po'i rigs thog med dang / bram ze'i rigs dbyig gnyen gnyis lus las bskrun te/ cher skyes pa'i tshe/ pha'i las gang yin dris pas/ ma na re khyed de'i phyir ma bskyed kyis blo sbyang gyis la bstan pa dar bar gyis shig gsungs pas/ rab tu byung ste/ gcen gyi ri bya rkang gi phug tu rje btsun byams pa lo bcu gnyis kyi bar sgrubs pas zhal mngon sum du bstan nas khyod ci 'dod gsungs pas/ theg pa chen po'i chos dar bar 'dod zhus te/ byams pa'i chos gos kyi gra la 'jus nas dga' ldan du byon/ lha'i dro skad tsam du bzhugs nas yum gyi mdo la sogs pa theg chen gyi mdo sde mang du gsan/ de dag gi don ston pa'i bstan bcos rtsom par zhus pas/ byams chos lnga mdzad/ de nas thogs med kyi 'dzam bu'i gling du byon nas byams chos lnga yi ger btab/ mdo'i dgongs 'grel sa sde lnga/ sdom rnam pa gnyis de nyid rnam nges dang / rgyud bla'i 'grel pa dang / dgongs 'grel gyi 'grel chen sogs bstan bcos mang du brtsams te bstan pa ches gsal bar mdzad cing / sa gsum pa'i rtog pa brnyes so/ /gcung dbyig