[A:12b]gnyen gyis kha cher slob dpon 'dul bzang gi drung du byon/ mngon pa sde bdun/ dgra bcom gnyer sbas kyis mdzad pa'i bye brag tu bshad pa gzhung 'bum phrag gcig yod pa gsan pas tshegs med par mkhyen nas/ rgya gar du byon/ gcen la theg chen gyi chos mang du gsan/ 'brel gtam mdzad pas/ gcung spobs pa shin tu myur/ gcen cung zad bul ba'i lan bzang po byung / de'i rgyu ci yin zhus pas/ khyod skye ba lnga brgyar paNDi tar gyur pas skyes stobs kyi shes rab che ba yin/ nga de lta bu min pas/ yi dam zhig la dris shing lan 'debs pa yin gsungs/ de bdag la ston par zhus pas/ rje btsun la zhu yis gsungs te zhus pas/ kho so so skye bo yin zhing / dang po theg chen la skur pa btab pas sgrib pa byang ba'i phyir du theg chen gyi mdo 'grel mang du brtsams/ gtsug tor rnam rgyal thon phyi ma la 'jal gsungs pas/ gcen la lhag par dad de/ rje btsun gyi gsung sgrub pa dang / 'bum sde go dgu'i tshig don thugs la mnga' bas/ bka' dang po'i dgongs pa 'grel ba mdzod rtsa 'grel/ bar pa sems tsam du 'grel pa yum gyi gzhung 'grel/ tha ma nges don du bshad pa rab tu 'byed pa sde brgyad dang / gzhan yang sa bcu pa'i mdo la sogs pa'i 'grel pa mang du brtsams te bstan pa gsal bar mdzad do/ /de'i slob ma rang las mkhas par grags pa bzhi byon te/ mngon pa rang las mkhas pa slob dpon blo bstan/ phar phyin rang las mkhas pa 'phags pa rnam grol sde/ tshad ma rang las mkhas pa slob