[A:13a]dpon phyogs kyi glang po/ 'dul ba rang las mkhas pa bram ze'i btsun pa yon tan 'od dang bzhi'o/ /de la slob dpon blo gros brtan pa nas/ de'i slob ma gang ba spel/ des ku sa li che ba/ ku sa li chung ba/ des dpal ldan a ti sha la brgyud do/ /rgya chen spyod pa'i bshad sgrub kyi man ngag rdzogs par mnga' ba 'phags pa rnam grol sde ni/ sa dang po rab tu dga' ba'i rtogs pa brnyes/ sangs rgyas la chos dngos su gsan/ mngon rtogs rgyan gyi 'grel pa/ nyi khri snang ba la sogs pa mdzad do/ /de'i slob ma btsun pa rnam grol sde ni/ rig pa'i gnas mtha' dag la mkhas pa/ sangs rgyas la chos gsan cing / theg pa chen po sbyor lam gyi rtogs pa brnyes so/ /de'i slob ma mchog gi sde/ de'i slob ma dul ba'i sde/ de'i slob ma grags pa'i dpal dang / mkhan po rnam snang mdzad/ mkhan chen zhi ba mtsho gsum don cig mtshan gyi rnam grangs yin gsungs/ 'di za hor rgyal po'i sras su sku 'khrungs/ yod smra'i sde la rab tu byung zhing rig gnas la mkhas par sbyangs/ rje btsun 'jam dbyangs kyis rjes su bzung ste/ lo dgu brgya dang go dgu bzhugs par grags la/ gangs can gyi ljongs 'dir yang bka' drin mchog tu che ba de'i sku tshe'i stod kyi slob ma slob dpon seng ge bzang po sogs dang / smad kyi slob ma ka ma la shI la sogs yin pa las/ slob dpon seng ge bzang po ni rgyal rigs las rab tu byung ste phyi nang gi grub mtha' thams cad la mkhas pa/ khyad par du yum gyi don la ring du goms pa zhig