[A:13a]byung ba las/ des rang gi mkhan po rnam snang mdzad bzang po la byams pa'i sgrub thabs zhus nas bsgrubs pas/ rmi lam du dge slong gur gum gyi mdog can spyod lam mdzes pa zhig rmis te/ shar phyogs kharsa pa Nir songs shig ces lung bstan/ sang der song nas zhag gsum du snyung gnas byas te rmi lam brtags pas/ tho rangs rmi lam du o tyanta pu ri pi ha ri'i gan to la'i steng gi nam mkha' la sprin phung 'thug po zhig gi gseb na lha'i bu/ lus stod sprin gyi gseb nas phyung nas mchod rdzas sna tshogs kyis mchod pa mthong ste ci byed dris pas/ rje btsun byams pa brgyad stong pa gsungs pa la mchod pa byed pa yin zer te ring du bltas pas/ rje btsun zhal gser gyi mdog can spyi gtsug mchod rten gyis spras pa/ phyag g.yas chos 'chad kyi phyag rgya mdzad pa tsam zhig mthong nas phyag dang mchod pa byas te/ nyid kyi bstan bcos la deng sang 'grel pa mang du mchis na gang gis gang gi rjes su 'jug par bgyi/ /zhes zhus pas/ thams cad kyi gzhung legs par rtogs la 'thad pa bsdus te/ khyod kyi phyogs gcig tu rtsoms shig ces gnang ba thob pa'o/ /sang de mchod pa byas nas bstan bcos rtsom pa'i sbyin bdag btsal ba'i phyir/ shar nas nub tu byon pa dang / rgyal po sa skyong zhes bya ba yum la lhag par dad pa zhig byung ste/ phyogs kun tu yum 'chad pa 'tshol ba la zhugs pa na/ de'i tshe yum 'chad pa la slob dpon seng ge bzang po mkhas par thos pas spyan 'dren du btang pa'i pho nya dang lam du 'phrad do/ /de las 'phros te rgyal po sa skyong gi lo rgyus ni/ sngon rgya gar shar