[A:14a]phyogs seng ldeng gi nags su shing gi lha zhig yod pa dang / yul de'i phyugs rdzi dus las 'das pa'i chung ma phyug 'tshor song ba gnyis kyi bu gau pA la zhes pa la/ phas nor bu rin po che sbyin pas de'i phan yon gyis sa thams cad la kha lo bsgyur ba zhig byung ste/ des na landra brtsigs so/ /de'i btsun mo dbang chung bas/ rgyal po dbang du bya ba'i phyir slob dpon bram ze zhig la rig pa zhus pas/ des ri bo gangs can las sman blangs te rgya btab nas/ bran mo la bskur bas de sa btegs las 'dred de btung ba chus khyer te rim gyi rgya mtshor zhugs pa/ klu'i rgyal pos blangs te zos pas/ klu'i rgyal po rgya mtsho skyong dbang du gyur nas btsun mo dang 'phrad pas sras dpal ldan chos skyong bltams so/ /des lha khang gzhan las khyad par 'phags pa zhig brtsigs par 'dod nas bltas mkhan la dris pas/ dge sbyong dang bram ze'i ras la sdong bu byas te rgyal po dang tshong dpon gyi khyim nas mar blangs shing / dka' thub pa'i lha gnas nas kong bu blangs te mar me spar ba/ yid dam gyi mdun nu bzhag ste gsol ba btab na/ chos skyong gi sprul pas kong bu skyur bar 'gyur bas/ der rtsigs shig zer nas de ltar byas pas/ bya rog zhig byung nas kong bu mtshor skyur bas yid chad pa na/ mtshan mo klu'i rgyal po sbrul mgo lnga pa byung ste/ nga khyod kyi pha yin pas mtsho skams la brtsig tu gzhug go /zhag bdun bdun na mchod pa chen po bgyis shig zer te/ de bzhin byas pas zhag nyer gcig na mtsho skams/ o tyanta pu ri'i gtsug lag khang bzhengs so/ /