[A:14b]rgyal po de la sras rgyal po dang / panDi ta dang / grub thob dang / sdig spyod kyi rgyal po dang bzhi las/ de'i sras de wa pA la zhes pa byung / de'i sras rgyal po sa skyong yin te/ des gong du bshad pa ltar/ slob dpon seng ge bzang po spyan drangs te sbyin bdag mdzad nas/ 'phags pa'i 'grel pa dang mthun par nyi khri le'u brgyad ma dang / brgyad stong pa dang sbyar ba brgyad stong 'grel chen dang / yum gsum char gyi brgyan du gyur pa 'grel pa don gsal dang / gzhan yang sdud 'grel rtogs par sla ba dang / sher phyin bsgom pa la 'jug pa la sogs pa mdzad de bstan pa ches gsal bar mdzad do/ /de'i slob ma ku sa li che ba yin la/ ku sa li ni bod skad du dge ba can ces pa ste/ mtshan dngos ni/ che ba la rin chen bzang po/ chung ba la rin chen mdo zer/ che ba ni rigs bram ze yin la/ lung gi yon tan rig pa'i gnas mtha' dag la mkhas pa/ 'jam dpal dbyangs la chos dngos su gsan pas/ rtogs pa'i yon tan phun sum tshogs pa dang ldan zhing / lam yig las/ sangs rgyas mya ngan las 'das nas bstan pa 'od srung chen po la gtad/ des kun dga' bo la/ des gcig nas gcig tu brgyud pa'i man ngag mnga' ba ku sa li che ba yin/ gsang ba 'dus pa la brten nas phyag rgya chen po'i dngos grub thob pa'i man ngag slob dpon klu sgrub nas brgyud pa/ sangs rgyas ye shes zhabs nas brgyud pa/ indra bo dhi nas brgyud pa/ paNDi ta mgrin pa gsum pa nas brgyud pa'i man ngag rdzogs par mnga' ba yang / ku sa li che ba yin/ 'phags pa thogs