[A:15b]dbu la phyag gis byugs/ sku lus 'od kyis khyab par mdzad de/ gling de sngar bas bdun 'gyur gyi lo legs pa/ nad nyung ba sogs bkra shis par gyur pas gser gling pa thams cad sangs rgyas kyi bstan pa la dad de/ rgyal bu 'di rgya gar du chos slob tu btang na legs zer bas/ rgyal bu dgyes te thog mar rdo rje gdan ston pa mngon par byang chub pa'i gnas yin pas der byon/ srin po mchod pa byed pa dang dus 'dzom ste/ gang zag yon tan can rnams kyang 'du ba las/ slob dpon mahA shrI ratna zhes pa mchog gi dngos grub brnyes pa zhig der byon pa la/ dam pa gzhan las kyang de la lhag par dad de zhag bdun 'grogs nas/ slob dpon mi snang bar gyur/ der gnas thams cad du btsal kyang ma rnyed de/ rgyal bu rang gi yul du 'gro snyam pa la mdun du bu mo gnyis glu len te/ gnyen 'dun 'dza' shes mang po dang / /yul dang khang khyim nor chen dang / /zas skom gos kyi longs spyod pa/ /mya ngan skye bar 'gyur ba ste/ /chos dang ring du 'gyur ba yin/ /nor ma rnyed kyi tshong pa dag /yul du stong par ldog pa 'dra/ /zer bas nges par nga la zer snyam tsa na mi snang ngo / /der rgyal bu dgyes te chos skyong ma cig yin par 'dug pa la da yal bas 'dri sa med kyang / long yod kyis snyam ste/ lo bdun rgya gar du bzhugs nas bla ma mang po la chos gsan/ rig pa bslabs mkhas par gyur te/ rdo rje gdan du rgyal bus mchod pa byed cing chos skyong ma de dang 'phrad na snyam pa na/ rgan mo gcig na re/ skam sar chu ni drangs pa bzhin/ /nyid dang mtshan