[A:16a]mo 'das pa yi/ /mi rnams tshe ni zad par byed/ /rmongs pa longs yod ma zer cig /zer bas mi snang ngo / /der rgyal bus/ slob dpon mahA shrI ratna 'ba' zhig yid la byas pas/ rgyal bu'i rmi lam du slob dpon byon te/ rgyal srid ni dman pa'o/ /dam pa ma yin no/ /dam pa las ring du byed pa'o/ /khyod kyi chos kyi rgyal srid 'dzin nus sam zhes lan gsum gsungs pa la/ rgyal bus kyang nus so zhes lan gsum khas blangs pa na gnyid sad de/ slob dpon dngos su bzhugs nas byin gyis brlabs te/ sangs rgyas kyi bka' dang gdams pa rnams gnang / khyad par du byang chub kyi sems la brten pa'i chos mang du gsungs/ chos thams cad kyi gnas lugs thugs su chud de mtshan chos kyi grags par btags so/ /de nas gser gling du byon te/ mu stegs pa rnams chos kyi tshar bcad/ sangs rgyas kyi bstan pa la bkod do/ /chos dang zang zing gi dpal 'byor rgyas par mdzad de/ lo brgya dang lnga bcu bzhugs mdor na chos kyi grags pas 'dzam gling khyab pas/ mtshan don dang ldan pa yin zhes bka' gdams pa'i bla ma rnams gsungs/ de la slob ma'i mchog paNDi ta chen po bzhi ni/ shanti pa/ jo bo rje/ dznyA na shrI mi tra/ ratna kirti rnams las/ yon tan rdzogs par mnga' ba ni/ jo bo rje yin te/ thog mar mjal ba'i tshul ni/ gser gling pa de nyid sangs rgyas pa thams cad kyi gtsug gi nor bu/ khyad par byams snyeng rje las brtsams te chos ston pa cig yod pa 'dug zer ba'i snyan pa jo bos gsan pas/ sku tshe