[A:17a]rnams ni jo bos gser gling pa la 'brel gtam gyi sgo nas yar bstan te sgro 'dogs bcad cing / gsang sngags kyi chos rnams gsan res mdzad ces rnam thar las 'byung zhing / gzhan yang bka' gdams kyi dge ba'i bshes gnyen rnams kyi rnam thar la/ dkon mchog gi mchod pa phun sum tshogs pa 'bul ba'i phyag srol rnams kyang bla ma gser gling pa'i phyag srol yin gsungs/ rgyas par gzhan du blta'o/ /brgyud pa gsum pa nyams len byin rlabs kyi brgyud pa/ theg pa chen po gsang sngags la chos khungs btsun par rtogs pa'i phyir/ rgyud gsungs tshul nas brgyud pa zam ma chad pa gong ma rnams kyang 'ded pa ring brgyud/ he ru ka dang ye shes kyi mkha' 'gro ma la dngos su chos gsan nas/ de nyid las brgyud pa nye brgyud dang gnyis las/ dang po ni slob dpon kun dga' snying po'i bzhed pas/ khyab 'jug la sogs pa 'dod chags can rnams rjes su gzung ba'i don du gzhan 'phrul dbang byed kyi gnas su gsang ba 'dus pa la sogs pa gsungs par bshad cing / rab tu sgron gsal las dga' ldan du rgyud sde thams cad bstan par yang bshad la/ bla ma mkhas pa dag gi bzhed pas u rgyan du gsungs par bzhed de/ de yang rgyal po indra bhu tis nam mkha' la nyan thos kyi dge 'dun snga dro shar nas nub dang / phyi dro nub nas shar du 'gro ba gzigs nas ci yin dris pas/ sangs rgyas shAkya thub pa'i nyan thos so zer ba thos nas dad pa skyes/ mchod pa rgya chen po bshams te/ bcom ldan 'das