[A:25a]dang rtsod nus sam zhus pas nus gsungs/ de nas dus byas te brtsad pas/ phyi rol pa thams cad tshar bcad de bstan pa la btsud do/ /spyi don gnyis pa thar par gshegs pa'i yon tan ni/ jo bo'i dgongs pa la/ da ni rnal 'byor pa'i cha lugs kyis nags sam dur khrod du bsdad la gsang sngags kyi sgo nas mchog bsgrub dgongs pa la/ ra hu la gupta ri bya rkang can na bzhugs pas mkhyen nas rdzu 'phrul gyis byon te rab tu byung bar bskul ba dang / mnal lam du gtsug lag khang chen po na ston pa nyan thos dang bcas pa'i gral bsham na bzhugs pa la/ thub pa'i gsungs nas/ mi ma gi ci la chags nas rab tu mi 'byung gsungs pas/ thugs bskul te phal chen sde pa'i mkhan po/ sbyor lam pa shI la rakShi ta zhes pa tshul khrims bsrung ba las rab tu byung zhing bsnyen par rdzogs/ mtshan dI paM ka ra shrI dznya na zhes btags te/ dI paM mar me ka ra mdzad shrI dpal/ dznyA na ye shes la 'jug ti paM zhes pa ma dag par bshad do/ /dgung lo nyer brgyad dam nyer dgu la rab tu byung ste/ de nas o Dyan ta pu rir bla ma dharmA rakShi ta la bye brag bshad mtsho sogs theg dman gyi bstan bcos dang / sde pa bzhi ka'i 'dul ba lag len dang bcas pa gsan sbyong mdzad/ gzhan yang brgyud pa gsum ldan gyi bla ma rnams la sde snod mtha' dag gsan nas mkhas pa'i grags pas phyogs thams cad du khyab la/ khyad par du byang chub sems kyi sgom pa'i man ngag la nan tan snying por mdzad de gsan pas gong du brjod pa ltar bla ma gsum gyi gdams ngag rdzogs par