[A:25b]mnga' zhing / lo tsA ba'i bstod pa las kyang / rtag tu bsten pa'i bla ma ni/ /shanti pa dang gser gling pa/ /bha dra bo dhi dznyA na shrI/ /dngos grub thob pa mang po dang / /khyad par du ni klu sgrub nas/ /gcig nas gcig tu brgyud pa yi/ /zab pa dang ni rgya che ba'i/ /gdams pa khyed la mnga' ba yin/ /zhes gsungs pa yin la/ de la zab pa lta ba'i bshad pa dang / man ngag 'phags pa klu sgrub nas brgyud pa dang / rgya chen spyod pa'i brgyud pa 'phags pa byams pa nas brgyud pa sogs ni gong du smos pa ltar dang / gzhan yang rje btsun 'jam dbyangs kyis rjes su bzung ba/ ngo mtshar can gyi gtam bdun la sogs pa'i yon tan dang ldan pa'i rgyal sras zhi ba lha la brgyud pa'i gdams ngag rdzogs par mnga' zhing / so sor phye na gsang sngags la yang brgyud pa lugs srol du ma zhig bzhugs pa las/ thun mong pa'i brgyud pa ni/ 'jam dpal/ sangs rgyas ye shes zhabs/ mar me mdzad bzang po/ yi ge pa/ karNa pa/ dznyA na shrI mi tra rnams so/ /gsang sngags mtha' dag gi brgyud pa lugs gcig ni/ klu sgrub/ arYa de wa/ ma ti tsa la/ te ma dzo ki tsa ti ma/ manydzu shrI bha dra/ bo dhi bha dra/ shanti pa rnams so/ /lugs gcig ni/ sangs rgyas ye shes/ sangs rgyas zhi ba/ sangs rgyas gsang ba/ ku sa li che ba/ ku sa li chung ba rnams so/ /gsang 'dus mtha' dag gsan pa'i brgyud pa gsum las/ dang po ni/ intra bhu ti/ klu mo rnal 'byor ma/ sa ra ha/ klu sgrub/ tsa na kirti/ bidya indra/ tso bi pa la ta/ rol pa'i rdo rje/ sa 'gebs pa'i zhabs/ shanti pa dang /