[A:26a] yang klu sgrub/ zla grags/ rig pa'i khu byug ku sa li chung ba rnams dang / yang sangs rgyas ye shes zhabs/ padma badzra/ intra bhu ti/ lcam legs smin ka ra/ spyi bo skyes/ 'jam dpal bshes gnyen/ sangs rgyas ye shes/ kaM bi li/ rol pa'i rdo rje/ sa 'gebs pa/ shanti pa rnams so/ /bde mchog mtha' dag gsan pa'i brgyud pa/ lU hi pa/ DAeng gi pa/ dha ri pa/ dze ta ri rnams so/ /kri ya dang yo ga mtha' dag gsan pa'i brgyud pa ni/ ku sa li che ba dang / ku sa li chung ba rnams dang / gshin rje gshed mtha' dag ni/ ka ma la rakShi ta dang / nag po zhabs rnams la gsan no/ /brgyud pa'i lugs srol 'di dag ni rje bsod nams lha'i dbang pos mdzad pa'i bka' gdams chos 'byung ba las ji ltar 'byung ba bzhin bkod pa yin/ de ltar brgyud pa bsam gyis mi khyab pa mnga' ba'i gtso bo ni gong du smos pa'i brgyud pa gsum po der 'du'o/ /mdor na lta ba lung ston pa'i bla ma nA ro pa/ brtul zhugs byin gyis rlob pa Dombhi ba/ las tshogs byin brlabs ster ba ba liM ta a tsarYa/ rdzu 'phrul byin rlabs ster ba mi chen po/ phag mo'i byin rlabs ster ba bhu ta ko Ti/ klu sgrub kyi gdams pa ster ba mkhas pa rta mchog byang chub kyi sems ster ba shes rab bzang po/ tshig don rgyas par byed pa shanti pa/ bstan pa'i rtsa ba blo sbyong gi sgor 'jug pa gser gling pa chos kyi grags pa rnams te/ de ltar mkhas grub kyi bla ma de rnams bsten pas mkhas pa'i yon tan ni gong gi bla ma brgyud pa de thams cad kyi yon tan rdzogs par mnga' zhing / rdo rje'i