[A:26b]gdan byang chub chen po'i pho brang du mu stegs kyi smra ba ngan pa lan gsum du chos kyis pham par mdzad nas sangs rgyas kyi bstan pa bzung zhing / btsun pa'i yon tan ni so thar dang 'gal ba'i nyes pa 'ong ma myong / byang sems dang gsang sngags kyi sdom pa la cung zad byung srid kyang bshags bsdams sogs kyis nyes pa dang zhag tu 'grogs ma myong zhes jo bo nyid kyis gsungs par bshad pa dang / rtogs pa'i yon tan ni/ byang chub kyi thugs la mnga' brnyes/ ting nge 'dzin phun sum tshogs pa dang / lha'i spyan dang mngon par shes pa'i yon tan dang ldan/ dha ri ka pa'i slob ma bram ze sdom pa bzang po sogs la bde mchog gi skor gsan nas/ shar phyogs bhaM ga la 'od ma'i tshal me tog gling du sgrub pa mdzad pas/ bde mchog gi dkyil 'khor zhal gzigs bstod pa yang mdzad/ mnal thun cig la rgyud rgyal 'bum tsho gcig dang / bzhi brgya lnga bcu rtsa lnga gsan par mdzad/ chos kyi gaNTa'i sgra nam mkha' la bsgrags pa gsan pas skye ba med pa'i don thugs su chud pa sogs/ de lta bus mtshon pa'i yon tan bsam gyi mi khyab pa rnams dang ldan pa'i jo bo chen po de nyid kyi snyan pa'i grags pas 'phags yul kun du khyab ste/ de'i tshe ma ga dha dang / o Dyan ta pu ri dang / so ma pu ri dang / na lentra dang / bi kra ma la shI la'i gnas gzhi rnams na panDi ta dang grub thob shin tu mang yang / thams cad kyi gtsug gi nor bu lta bur bzhugs pa'i dus su/ rgyal po dharma pA las/ jo bo rje rdo rje gdan nas bi kra ma shI lar spyan drangs nas bstan pa'i bdag por mnga' gsol ba