[A:27a]yin te/ skabs 'dir bi kra ma shI la bzhengs pa'i lo rgyus cung zad bshad na/ na lentra na slob dpon kam pa la bya ba phyag rgya chen po'i dngos grub brnyes pa gcig bzhugs pa des/ chu bo ganggA'i 'gram na brag de'u cig yod pa de'i steng du gtsug lag khang brtsigs na sangs rgyas kyi bstan pa la phan che ba mngon shes kyis gzigs nas/ de brtsigs pa la rab tu byung pa bas/ rgyal po'i rten nus pa che bar dgongs te/ rgyal po gau pa la'i sras de wa pha la bya ba mnga' ris phun sum tshogs pa dang ldan pa de'i btsun mo'i rmi lam du/ rnam sbyar dmar ser gyon pa lhung bzed dang 'khar sil thogs pa cig gnas g.yar zer ba rmis te/ rgyal po la brjod pas/ do nub kyang byung na gnas gtang gi gyis gsungs/ yang byon pa la de ltar byas pas/ rgyal po de'i sras su sku skye ba bzhes pa rgyal po dharma pA la bya ba/ yul dbus ma ga dha thams cad la dbang bsgyur ba des brag de'u de'i khar gtsug lag khang bzhengs te bi kra ma shI la bya bar grags te/ bod skad du/ tshul khrims kyi ngad dang ldan pa bya bar 'ong bar bshad/ der rtsa ba'i sde bzhi'i dge slong tshang bar bzhugs shing 'tsho ba yang rgyal pos sbyor pa dang / rig pa'i gnas lnga'i 'chad nyan dar bas der bzhugs pa'i rab byung phal che ba paNDi ta sha stag yin no/ /de'i tshe rdo rje gdan nas jo bo rje bi kra la shI lar rgyal po dharmA pA las spyan 'dren pa'i rgyu yang pan grub rnams kyi nang nas 'di kho na lhag par gzigs te spyan drangs shing mtshan yang a ti sha zhes mtshan gsol zhing / de bod kyi skad du phul du byung ba zhes bya