[A:29a]brgyud pa dang bcas pa'i drin las/ dbus gtsang gi sa char yang mdo sngags kyi bstan pa byung mod kyi/ 'on kyang khyim pa phal cher rgyal po'i mgo gnon dang bral bas 'thab rtsod la dga' zhing / de'i rigs las byung ba'i sngags pa mang pos dgra'i phyogs la mngon spyod kyi las byas pas skye bo mang po phung bar gyur pa dang / sngags kyi gsang pa'i spyod pa las nyams te/ gsang ba'i gnas rnams 'chol par ston cing / sbyor sgrol sogs sngags la snyad pa'i rtsing chos sna tshogs dang / cho ga rnams kyang ma tshang zhing 'khrul pa mang du byung ba dang / gzhan yang bam sgrub sogs logs chos sna tshogs dar zhing / rgya nag lugs kyi rdzogs pa chen po'i lugs 'dzin pa 'ga' zhig gis/ stong pa nyid gcig pu bsgom pas dri ma mtha' dag dang bral ba'i chos kyi sku thob la/ de thob na gzugs kyi sku shugs la 'byung bas/ sbyin pa la sogs pa'i thabs mang po la slob pa ni tshegs che'o zer ba dag kyang byung zhing ha shang gi lta ba zhes ming la skyon du lta yang / don la mchog tu 'dzin pa dang / lta spyod ya bral gyis sangs rgyas thob par 'dod pa sogs chos ltar bcos pa sna tshogs kyis bstan pa rin po che dri ma can du gyur cing / dka' ba'i gnad rnams la yang the tshom du gyur pa de'i tshe/ mdo rgyud nas lung bstan pa'i lha bla ma ye shes 'od ces bya ba'i bod kyi rgyal brgyud dri ma med par bsam bzhin du byon pa des/ de rnams la thugs ma ches par/ mnga' ris skor gsum nas khye'u blo rno ba nyer gcig dam pa'i chos dang paNDi ta 'tshol ba'i zhal bkod dang bcas te rgya gar