[A:30a]thar chos kyi 'byung gnas su rgyas par gsungs pa bzhin 'dir bshad par bya ste/ de yang a ti sha nyid spyan 'dren pa'i pho nya la/ lo tsA ba nag tsho de rgyu mtshan du mas legs par dgongs te/ lha btsun pas spyan sngar bos bsnyen bkur nas/ 'dul ba 'dzin pa la zhu na/ nga'i yab mes rgyal blon byang chub sems dpa' de rnams kyi sangs rgyas kyi bstan pa'i dbu bsnyengs/ srol gtod dar zhing rgyas par mdzad pa yin pa la/ dus ding sang sangs rgyas kyi bstan pa nyams dmas/ bdud rigs kyi sems can kha rgyal/ chos ltar bcos pa rnams dar bas/ shes pa skyo bar byung / nged khu dbon gnyis kyis/ mi 'di go chod dam/ 'di sangs rgyas kyi bstan pa la sems sam snyam pa rnams la/ gser srang brgya skor res ma mtha' byas/ jo bo gdan 'dren du btang pa yin na'ang / bstan pa'i bya ba ches pas gdan ma 'drongs des blo ma sad par/ lha chen po des bal yul gyi mtha' 'khob tu/ jo bo spyan 'dren pa'i gser 'tshol du byon pas/ gar log gi rgyal pos/ chos kyi rgyal po paNDi ta gdan 'dren pa'i gser 'tshol ba rig nas/ 'di'i pha mes rnams kyis sngon yang sangs rgyas kyi bstan pa dar bar byas/ 'dis kyang paNDi ta gdan 'dren bstan pa dar bar byed pas zungs la btson khang du chug zer nas mnar/ de bdag gis thos pas/ khu bo bzlog tu phyin yang / gar log gi rgyal po tshan ches nas ma ldog yang dmag byas na bzlog par snang ste/ de'i bar du 'gro ba mang po'i srog 'chad pa dang / nga rang la yang bar chad byung na jo bo spyan mi 'drongs par