[A:30b]gda' bas kho rang dang bstun/ kho na re/ 'o na paNDi ta gdan 'dren pa'i 'phro bshol/ nga'i bstan pa la zhugs/ yang na gser rgyal po rang dang mnyam pa khyer la shog de nas btang gi zer bas/ gser la 'dam nas lus dang mnyam pas bslus kyang ma nyan/ de nas kho bo la/ da ngas dbu tsam cig brnyed pa dang bslur 'ong gis zhus pas/ bzhad cig mdzad nas/ da des chog nga'i bsam pa la bod 'di chos khrims ma 'chos par shi na mi rung snyam pa yin te/ da na so yang rgas/ 'khor ba thogs med nas chos kyi phyir du lus btang pa med/ da len chos phyir shi na legs pa yin pas/ sdig rgyal 'di la gser se ba gcig kyang ma ster/ gser thams cad rgya gar du khyer la/ da dung a ti sha gdan ci 'drongs gyis/ paNDi ta chen po'i snyan du yang / ngas khyod dang sangs rgyas kyi bstan pa'i phyir du lus srog gar log gi rgyal po ngan pa la byin yod pas/ tshe rabs thams cad du bdag thugs rjes 'dzin pa dang / nga'i bsam pa'i gtso bo khyed bod du byon nas sangs rgyas kyi bstan pa dar bar byed pa yin pas/ de kho na bzhin du mdzad par zhu/ skye ba 'di'i 'og rol tu khyed dang nges par mjal bar byin gyis brlabs tu gsol/ zhes nga 'phrin du mdzod cig de ltar lags pas nga blos thong la/ sangs rgyas kyi bstan pa la soms shig gsungs pa yin pas/ des na khu bo gar log gi rgyal pos med par byas pas gtam de rnams mgon po a ti sha'i snyan du thos/ nged bod mtha' 'khob kyi sems can ma rig pa rnams kyi snying stobs de 'dra na/ khyed 'gro ba'i skyabs gnas thugs