[A:3a]snying rje skyes pa'i rkyen gyi dang por thugs bskyed par bshad/ phung po gsum pa las/ tshong dpon gyi mngon dgar gyur pas sangs rgyas mdzes chen gyi drung du thugs bskyed pa dang / rdza mkhan gyi khyi'u snang byed du gyur nas sangs rgyas shAkya thub pa chen po la thugs bskyed par bshad de/ mi 'dra ba ni gdul bya'i bye brag gam/ snga phyi yin pas 'gal bar mi sems zhes mkhas pa dag gi gsung rab las 'byung ngo / /gnyis pa tshogs bsags tshul ni/ byang chub sems dpa'i sde snod las/ grangs med bdun dang / bcu dang / so gsum sogs bshad kyang / mdo sde rgyan las/ grangs med gsum du gsungs pa ltar na/ mdo las/ dang po gzhon nu brtson 'grus spyod du gyur pa na de bzhin gshegs pa phung po chen po la dge ba'i rtsa ba bskrun pa nas brtsams te grangs med gcig tu tshogs bsags pas sa dang po dang / de nas tshong dpon shes bzung du gyur pa na/ de bzhin gshegs pa dkon mchog yan lag bsnyen bkur ba nas bzung ste grangs med gcig tu tshogs bsags pas sa bdun pa thob par gyur/ de nas bram ze'i khyi'u sprin du gyur pa'i tshe/ bram ze mar me'i bdag po'i sras de bzhin gshegs pa mar me mdzad/ rgyal po dgra 'dul gyi pho brang padma can zhes pa'i tshong 'dus dang nye bar bzhugs pa la lha rnams kyi mchod pa 'bul ba mthong nas dris pas/ khyed kyis mi shes sam/ 'di na sangs rgyas mar me mdzad bzhugs so zer bas dad de/ utpa la lnga nyos pa sangs rgyas la gtor/ kr-iShNa sa le'i lpags pa dang rang gi dbu skra bting nas/ mar me mdzad de bzhin gshegs pa kun nas dang bas spyan drangs