[A:31a]rje can ji ltar song / zhes zhus shig 'di na gser srang bdun brgya yod pa bla ma'i phyag tu phul/ nged bod pre ta pu ri'i grong khyer lta bu na/ gser se ba re tsam la'ang rtsis chen po yod la/ da 'dis bdag cag mi nor thams cad rdzogs nas yod kyi/ da lan jo bo bod la ma byon na/ khyed dam pa rnams kyi thugs rje yang de ltar bas pas/ nged kyang bya ba ci bder spyad par bgyi'o/ /zhes/ khyed 'dul ba 'dzin pas lo rgyus 'di rnams/ jo bo la zhus pa'i tha ma 'byon du ma bzhed na'ang snyan du thebs pa mdzod/ gsungs nas shums shing gsung byon te/ de'i tshe lha btsun pa mi chen po cig gis de ltar mdzad pas/ lo tsA bas kyang yin min gyi tshig zur tsam yang smra ma nus/ de'i stobs kyis lus srog dang lam gyi dka' tshegs/ tshe 'di'i bde skyid gang la yang ma chags par/ dpon g.yog bdun gyis gser rnams khyer te/ rgya gar gyi lam du zhugs pa dang lha btsun pas skyel thung mdzad de/ dge slong khyed kyis nged kyi bya ba byas/ /da lan dka' ba che na'ang phar byon la/ /'bad rtsol chen pos lus dang srog la brdos/ /'khor nas byas shes bka' drin bzo bar bya/ /zhes gsungs nas/ phyi phyag mdzad nas gshegs/ slar yang jo bo thugs rje chen po la gsol ba 'debs kyi gshegs par zhu gsungs/ de nas bal po rdzong la byon tsa na mi reng gcig dang 'phrad pas/ khyed yul sa thag ring por don chen po la 'gro bar snang ba 'di skad zer gyin song dang don grub nas 'ong gi dkon mchog gsum la phyag 'tshal lo/ /kha ba can gyi rgyal khams su/ rgyal ba