[A:36a]long jo bo la gnang nas/ khyod bod du 'gro bar 'dug gdan sa byang skyabs pa lho gzhol ba/ rtsi shing nags tshal dang ldan pa zhig 'ong / khyod kyi bu slob mang pos dge 'dun gyi sde dang / gtsug lag khang mang po bzhengs par 'gyur/ de tsa na 'di dgos pa yin gsungs/ de nas rim pa ltar/ bla ma dharmA rakShi ta/ rje btsun Dombhi ba/ bla ma a wa dhu ti pa/ ku su lu/ rig pa'i khu byug yi dam lha'i lung bstan ji snyed cig rnam thar rgyas pa rnams su 'byung ba las/ phyogs tsam zhig 'dir bshad na/ lan cig dkyil 'khor
bsgrub mchod
cig la zhugs pa na/ /rdo rje'i gar dang mchod pa phul ba'i tshe/ /ma cig rang bzhin dbyings kyi rnal 'byor ma/ /rus pa'i rgyan cha gsol nas gar du byon/ /hUM zhes rnam dag rdo rje klur blangs nas/ /mi mngon dbyings nas tshogs gnyis dpal 'byor ba'i/ /dpa' bo chen po dam tshig rol pa'i lha/ /khyab bdag rin chen tshogs kyi bdag po khyed/ /ye shes gsang ba'i rdo rje ma lags sam/ /khyod kyis rdo rje theg pa'i sgor zhugs nas/ /byang phyogs rgyud kyi mtha' 'khob ma btul na/ /las kyi dpa' bo chen por mi rung bas/ /myur du ri bo gangs chen rgyud du song / /de na rigs gsum mgon po'i sprul pa yod/ /gcig ni bruM rje sprul pa'i chos 'phel lo/ /gcig ni rngog ston legs pa'i shes rab bo/ /gcig ni khu ston brtson 'grus g.yung rung ngo / /gzhan yang thub pa mchog gis byin brlabs pa'i/ /sprul pa'i dge slong shin tu mang bar yod/ /de dag