[A:38b]byung / mtshan lha'i dbang por btags/ mkhas par gyur nas/ phyis thang bhi ha ra'i mkhan po mdzad do/ /de nas a ti sha dpon slob rnams bal bo'i rgyal pos skyel thung pa rta pa brgyas bskor ba dang bcas te bal po rdzong la phyags phebs pa na/ der lha btsun pa'i rta pa sum brgya tsam bsu ba la gos dkar po 'ba' zhig gyon/ rgyan thams cad kyang dkar po 'ba' zhig byas/ blon po chen po lha'i dbang phyug dang / lha'i blo gros dang / lha'i shes rab dang / lha'i srid 'dzin zhes bya ba bzhi la dar mdung dkar po thogs pa bcu drug bcu drug gis bskor/ gzhan thams cad la yang ba dan chung ngu re dang / chu dar gyi gdugs nyi shu dang / pi waM dang / gling bu'i sgra snyan po khrol ba dang / dpon g.yog thams cad kyang ngag mthun par dkon mchog gsum la skyabs su 'gro zhing / bod du sangs rgyas kyi bstan pa dar bar 'gyur ro/ /zhes pa'i kha brda bzang po byed pa dang / a ti sha la gnod pa'i phas rgol thams cad bdag gis gzhom par bya'o/ /zhes dpa' bskyed pa dang / thams cad rta las mi 'bab par gral sgor mo zhig byas te/ dbus su a ti sha chibs mthong smon rlung gshog gi steng na bzhugs te paNDi ta gzhan dang phan pa bzang po dang / paNDi ta birYa tsanDa dang / paNDi ta ye shes sgron me dang / lo tsA ba gung thang pa la sogs pa rab tu byung ba'i rta pa sum cu rtsa lngas bskor ba dbus su bzhugs pa la mi rta thams cad kyis mgo nang du 'dud cing / blon po chen po bzhis dbus su 'ong ste/ sngon rgyal po yon mchod zhal 'dzom pa'i thog mar/ mkhan po bo dhi sa twa'i drung du/