[A:38a]gsum pa bya bas/ dkar yol 'brug rgyab gser srang lnga ri ba ja btso mas bkang ste phul bas/ 'di la ci zer gsungs/ bod kyi rab tu byung ba'i btung ba ja zer zhus pas shin tu mnyes/ ja bu ram sogs kyis bsnyen bkur/ gtso bo mi drug gis rta mchog dkar po mthong smon rlung gshog bya ba/ rin po che sna tshogs kyis brgyan pa zhig dang / dar dkar po yug re phul/ der dge bsnyen chos 'phel gyi sprul pa 'brog phrug cig gis/ li yul nas jo bo 'jam dpal rdo rje/ li'i rgyal po'i zhu yig dang bcas te phebs pas/ jo bo'i zhal nas/ rten 'brel thams cad legs gsungs te shin tu mnyes/ dus der lo tsA ba rgya brtson seng bsnyel ba'i tshul bstan nas/ da ni u pA si ka yod/ /nga ni rang bzhin gnas su 'gro /mi la yid ches mi skye bas/ /shi ba skad du dur du skyol/ /nga ni 'od gsal sems kyi lus/ /'byung gnas de la thim nas 'gro /rgya bod gnyis su bya ba byas/ /kha ba can du gcig gis chog /ces gsungs te mkha' spyod du gshegs so/ /de nas jo bo dpon slob bal po'i rgyal po grags pa mtha' yas kyis spyan drangs/ jo bo'i chibs glang po che mthong smon bya ba rgyal pos gnang ste/ nga thang 'dir bhi ha ra zhes pa'i gtsug lag khang bzhengs pas/ 'byor pa ci dgos pa dang / rgya gar dang bod kyi rab tu byung ba'i grangs 'dzugs pa'i rgyu byin cig ces gsungs pas/ rgyal po dad de zhabs spyi bor blangs/ gang bzhed pa thams cad bsgrub par dam bcas/ sras padma'i snying po phul nas rab tu