[A:39a] blon po rig pa can rnams kyis zer ma'i glu blangs pa ltar/ blon po rnams kyis glu mdzad pa ni/ lo zhes bya ba grags stong snyan pa'i glu dbyangs lo/ /a zhes bya ba skye ba med pa'i gnas lugs yin/ /le zhes bya ba snang stong zung du 'jug pa'i glu/ /ma zhes bya ba byams pa'i 'gro ba yongs la khyab/ /lo de zhes pa de tsam thugs la bzhag 'tshal lo/ /a lo la zhes pa skye ba med kyang gtam 'di gson/ /khyed rgya gar yul nas byon pa'i mkhas grub paNDi ta/ yid bsam pa bzhin du 'grub pa'i nor bu rin chen bzhin/ /bod gsol ba 'debs pa'i rten du byon pa bka' drin che/ /zhes pa nas/ nged snying stobs chen po'i lha btsun drung nas 'ongs/ /lus rkang pa'i mthil nas tshangs pa man chad 'di/ /sems gus dang bcas te bla ma khyed la 'bul/ /lha khyed kyi 'phrin las gang dgos nged kyis bsgrub/ /rje rgyal po'i mnga' ris dpal gyi gtsug lag de/ /thugs mi skyo mi bsnyel rang yul lags par 'byon par zhu/ /lha btsun byang chub 'od de lha dbang brgya byin ltar/ /'khor nye dbang lta bus bkur gnas mdzad cing lham me bzhugs/ /lo a le ma lo de a lo la/ /zhes blon po rta pa sum brgya dang bcas pas/ rje'i snyan du glu dbyangs de phul ba dang / a ti sha chibs kyi steng na khru gang tsam 'phags te/ sku'i dkyil 'khor mtshan dpes spras pa zhal 'dzum pa dang bcas pas/ a ti/ a ti/ pha la pha la/ shin tu bkra shis/ zhes sogs dang / 'di ltar rgyan dkar ba/ gos dkar ba/ tshig thams cad dam pa'i chos