[A:39b]su 'byung ba/ blon po 'di dag gi lugs kyi chos kyi rgyal po lha btsun pa de lha'i dbang po brgya byin dang khyad par med par bzhugs nges/ zhes gsungs/ de nas blon po chen po lha'i dbang phyug gis jo bo'i drung du thal mo sbyar nas/ bstan pa'i bdag po bod du byon lags sam sems can rnams la brtse bar byon lags sam/ /e ma dus gsum 'doms par byon lags sam/ /shugs ring lam la bsnyel bar ma gyur tam/ /zhes zhus te/ spyan ras gzigs kyi sku rtsa phyag bzhi bcu pa bris ma thag cig phyag rten du phul ba dang / mgon po shin tu mnyes nas/ de ma thag rab gnas mdzad cing / spyan ras gzigs dbang 'jig rten gsum gyi mgon/ /gzhan la phan phyir brtson pa'i go cha bsnams/ /thugs rje'i rang bzhin dri med dkyil 'khor can/ /'gro ba'i sdug bsngal sel la phyag 'tshal lo/ /deng sang kho bo khyod kyi zhing 'dir mchis/ /thugs rjes 'gro ba'i don du skyob tu gsol/ /zhes gsungs/ de nas blon po gzhan rnams kyis kyang / ras yug dkar po re phyag rten du phul lo/ /jo bo'i zhal nas/ kho bo da gzod zhing 'dir sleb par 'ong / /'khor ba'i nags su bde ba ma mchis na'ang / /shugs ring lam la 'byung bzhi snyoms par byung / /chos rgyal 'khor bcas gzhi la bde lags sam/ /gsungs/ de nas thams cad ngag mthun par/ lha chen po gdul bya'i dbang gis zhing gzhan du gshegs na'ang / phyis dkon mchog gi skyabs 'og nas lha btsun chen pos dbu bgyis/ blon 'bangs