[A:4a] 'dzam bu'i gling du gzigs pa rnam pa bzhi'am lnga las/ bzhi ni/ rgyal che rol pa las/ gnas 'dzam bu gling / dus tshe lo brgya pa/ rigs rgyal rigs/ yum sgyu ma lha mdzes sam/ lung ltar na btsun mo'i 'khor dang lnga la gzigs te gshegs par bzhed pa na/ mi pham pa nyid kyi rgyal tshab tu dbang bskur/ de nas mang pos bkur pa'i rgyal po nas mi rabs sa ya gcig bdun khri/ chig stong lnga brgya/ lnga bcu 'das pa na/ shAkya gzhu brtan byung / de'i bu seng ge 'gram dang / seng ge sgra gnyis/ sengge 'gram gyi bu zas gtsang / zas dkar/ bre'o zas/ bdud rtsi zas bzhi dang / bu mo gtsang ma/ dkar mo/ bre mo/ bdud rtsi mo rnams so/ /de dag gi nang nas rgyal po zas gtsang dang / yum sgyu 'phrul chen mo gnyis kyi sras su/ jo bo rje'i bzhed pa ni/ shing pho byi ba'i lo dpyid zla tha chung sa ga nya ba'i tshes bco lnga'i nyin/ kha cig skar ma rgyal 'char ba'i dus sbyor zhes gsungs la/ de yang glang po che'i phru gu thal dkar mche ba drug pa gser gyi dra bas brgyan pa'i gzugs kyis yum gyi glo g.yas nas zhugs pa ni dga' ldan nas 'phos pa dang / lhums su zhugs pa'i mdzad pa/ de nas zla ba bcu rdzogs pa shing mo glang gi lo la sku bltams pa'i mdzad pa/ de nas lo nyi shu rtsa dgu'i bar du khab tu bzhugs nas/ bzo'i gnas la mkhas pa'i mdzad pa dang btsun mo'i 'khor gyi rol pa'i mdzad pa/ lo nyi shu rtsa dgu pa chu mo sbrul gyi lo la khab nas nges par 'byung ba'i mdzad pa bstan te/ mchod rten rnam dag gi drung du rab tu byung nas/