[A:40b]rtsa lnga tsam mtsho ma pham pa'i 'gram na bzhugs nas skye bo'i tshogs dpag tu med pa'i don mdzad de/ ring por mi thogs par yang gling gser gyi lha khang du phebs par yod pas thugs dgyes par zhu zhes zhus pas/ lha btsun chen po dgyes pa'i mthar thug nas/ ngas dad gus ma log par gsol ba rgyun du btab nas yun ring song ste/ da a ti sha dang mjal ba yin/ mdang rmi lam na/ nub phyogs nas nyi ma'i dkyil 'khor gcig shar byung ba dang / shar phyogs nas zla ba'i dkyil 'khor nya gang ba zhig shar byung ba lhan cig tu tshogs pas/ sprin dang khu rdul thams cad rang sar dengs/ skar tshogs gra ma nyams par 'dud par rmis pas/ zla ba de nga yin nam snyam yang / shar phyogs nas byung pa/ gang yin kyang des go chod par snang / rmi ltas shin tu bzang gsungs/ de nas lha btsun pas yang gling gser gyi lha khang du rta pa btang ste/ lam po che dang / gnas thams cad la byi dor dang / dar zab kyis brgyan te/ sku gsung thugs kyi rten dang / mchod pa'i bye brag bsam gyis mi khyab pa gshom du bcug gzhan yang phyogs kun du pho nya btang ste/ jo bo la bsu ba'i phyir du skye bo'i tshogs dang / sde dgon rab tu byung ba thams cad bsdus pas/ lha btsun pa khu dbon gyis dka' spyad de tsam byas pa'i paNDi ta de ya mtshan pa ci 'dra zhig blta'o zer nas/ lam ring thung thams cad du skye bo'i tshogs chen po 'dus/ lha btsun pas kyang 'khor rta pa drug brgya dang lhan cig tu byon nas/ jo bo dpon slob spyan drangs/ der thams cad kyis jo bo la bltas pa na