[A:41a]paNDi ta dang / gung thang pa la sogs pa sde snod 'dzin pa dang / bal po'i rgyal po la sogs pa'i dbus na/ mtshan dang dpe byad kyis brgyan pa lham mer bzhugs pa mthong bas/ skyabs su mchi'o zhes pa dang / da ni 'jig rten gyi mgon po bod du byon no/ /bdag cag bod kyi sems can rnams la thugs rjes gzigs shig zhes dad pa phyogs gcig tu 'ur ba dang / lha btsun pas kyang / jo bo la/ bla ma rje btsun chen po'i zhal snga nas/ /rgya gar yul nas bod kyi yul du byon/ /shugs thag ring pa sku nyon ma mongs sam/ /'du ba rnam bzhi'i sku bsnyun mi mnga' 'am/ /sku khams bde 'am dgyes par spyod lags sam/ /sku gsung thugs la gnod pa mi mnga' 'am/ /zhes gsol te/ bdag cag bod kyi skye bo phal cher ni/ /bla ma dang bral rang dgar smra ba ste/ /kla klo'i spyod pa ma rung spyod pa rnams/ /a ti sha yis bzod par mdzad du gsol/ /zhes bod spyi'i bzod gsol dang / de nas lo tsA ba la/ slob dpon tshul khrims rgyal ba'i spyan snga nas/ /re ba che bas bdag gi thugs dam zhus/ /thugs la btags nas rgya gar yul du byon/ /dka' ba mang po spyad pa bzod par gsol/ /zhes gsungs/ de nas jo bo bod du 'gro don 'byung bar smon lam btab pa ni/ e ma ho/ dge slong byang chub 'od bdag gis/ /rtag tu bsam pa'i bla ma spyan 'drongs pas/ /bod kyi yul du skyes bu dam pa 'di'i/ /gzhung lugs shin tu dar zhing rgyas par shog /ces zhus pas jo bo mnyes nas/ bod kyi sems can rnams kho bo la 'di