[A:41b]ltar dad pa che ba/ phan bde'i 'byung gnas dkon mchog gsum/ /nga'i gdul bya theg pa chen po'i rigs can 'di rnams la thugs rjes zung zhig gsungs nas/ khrom thams cad la gzigs shing byin rlabs mdzad/ de nas mtho ling padmo gling du phebs nas/ a ti shas/ bal po'i rgyal po la/ khyod kyi thang bhi ha ra'i gtsug lag khang dang / lho phyogs su dge 'dun gyi 'du khang / rgya bod gnyis kyi rab tu byung ba la chos grwa legs par tshugs/ de'i sa brtags pa sogs rten 'brel thams cad kho bo rang gis tshar mod/ de'i nang du de bzhin gshegs pa'i sku dgung lo brgyad pa'i tshad/ seng ldeng la rje btsun ma sgrol ma'i sku/ tsandan gye lde gu la spyan ras gzigs kyi sku/ gtsug tor dri med kyi sku la sogs pa gang grub bzhengs/ de'i bkod pa la paNDi ta gsum gtong bas/ zla ba dgu'i nang du grub pa gyis/ rab tu gnas pa kho bo rang la brda sbyor gsungs/ de nas bal po'i rgyal po'i 'khor bcas phyir ldog pa na/ lha btsun pas bsnyen bkur te/ rta sum cu rtsa gnyis dang / paNDi ta gsum la yang gser srang re phul te/ lnga brgya'i dus 'dir dam chos rnam mang yang / /lam du 'gro ba brgya la srid pa tsam/ /bla mar bzhugs pa shin tu mang na yang / /a ti sha nyid gcig pu nyid du zad/ /bal po'i thang nas skyel du byon pa legs/ /zhabs sla'i tshul du rta'i tshogs 'di dag 'bul/ /skye rga na 'chi'i chu bo rab soms la/ /rgyal po'i dregs pa spongs la gzhan don rten/ /zhes gsungs pas/ bal po'i rgyal po dgyes bzhin du gser srang sum brgya/