[A:42a] sras lha'i dbang po'i lag tu gtad de/ lha btsun la phul nas/ bal po'i rgyal pos gsol pa/ rgyal rigs lus la rnam dag khrims ldan zhing / /sangs rgyas bstan la dpa' ba'i go gyon nas/ /'jig rten sgron me bod du spyan drangs te/ /thams cad chos la 'god pa ngo mtshar che/ /bdag gis bskyed pa'i bu 'di rje la 'bul/ /bsam pa bzang po gser dang 'dra ba 'di/ /chos rgyal bod du chos grwa 'dzugs pa la/ /gser srang sum brgya re zhig 'degs su 'bul/ /slad ma sangs rgyas bstan pa dar ba dang / /a ti sha yang phyogs 'dir yun ring zhing / /bdag kyang 'phreng bas yun du 'grogs par zhu/ /zhes zhus te/ rgyal po paNDi ta gsum dang bcas pa bal por byon/ de nas a ti sha dpon slob lha btsun pas dbu bgyis/ bsu ba'i rta pa dgu brgya'i 'khor dang / rnga dang rnga bo che dang / sil sbug dang / dkar dung dang / rag dung la lo paN spyan 'dren gyi rgyud bya bar grags shing / de la sogs pa rol mo'i tshogs dang bcas te rgyal po'i pho brang du spyan drangs bsnyen bkur te/ bod 'dir chos zab zab po las kyang / thog mar las rgyu 'bras la rten pa'i chos kyis skyong bar zhu zhus pas/ jo bo'i zhal nas/ chos kyi gnad go ba'i gtam yin/ nan ltar zab pa las rgyu 'bras kho na yin/ yi dam gyi lha zhal mthong ba bas/ las rgyu 'bras la yid ches na de nyid mchog tu gyur pa yin te/ gshin rje gshed kyi rnal 'byor pa dang / bi kra ma'i gnas brtan gyi lo rgyus gsungs nas/ de ltar mdzad pas mnga' ris su paNDi ta