[A:46b]tu sems bskyed nas/ pha rol tu phyin pa drug sogs la gtso bor slob pa byang chub sems dpa'i lam dngos yin zhing / rdo rje theg pa nyams su len pa rnams kyis kyang dbang bskur rnam dag thob nas dam tshig dang sdom pa bsrung ba/ bskyed rdzogs nyams su len pa rnams thabs kyi cha nas khyad che yang / 'dul lugs kyi dbang du byas na bslab pa gsum du ma 'dus pa med pas/ des na jo bo chen po 'dis bstan pa thams cad 'gal med du gsal bar mdzad do/ /de lta bu'i bla ma yon tan rgya mtsho lta bu mnga' ba de'i rnam thar/ sangs rgyas dang byang chub sems dpa' rnams kyi yul du gyur pa/ so so skye bo blo dman pa dag gi yul ma yin zhing / yi ge nyung ngu dag gis kyang rtogs par dka' la/ mthong tshod tsam zhig bris na'ang mang pas/ 'dir ni zur tsam zhig brjod pa ste/ rnam thar rgyas pa don du gnyer na bla ma dang yi dam gyi lhas lung bstan pa dngos grub kyi 'od zer dang / lam yig dam pa chos kyi 'byung gnas chung ba dang / chos kyi 'byung gnas che ba la gsang skor du grags pa rnams ston pas mdzad pa dang / de rnams dang phyogs mthun pa lo tsA bas bstod pa brgyad cu pa dang / thun mong ma yin pa rnams bka' gdams glegs bam du skyes rabs nyi shu rtsa gnyis gsungs pa/ jo bo yab sras gnyis ka'i rnam thar shugs la rgyas par 'byung ba rnams su shes par bya'o/ /de ltar skal ba dang ldan pa rnams la mdo sngags kyi gzhung gdams ngag ma lus pa bstan nas/ bstan pa'i srol nub pa rnams gsar du btsugs/ srol