[A:47a]cung zad yod pa rnams 'phel bar mdzad/ log par rtog pa'i dri mas sbags pa rnams legs par bsal te/ bstan pa rin po che dar zhing rgyas par mdzad nas dgung lo don gsum shing pho rta'i dbyug gu zla ba'i tshes nyi shu la dga' ldan du gshegs pa lam yig tu gsungs kyang / ston pa'i gsung gi gral tshes bco brgyad la byon par bzhed de/ dga' ldan du rje btsun byams pa'i drung du lha'i bu nam mkha' dri ma med pa zhes bya bar gyur te/ bka' gdams pa'i bla ma dam pa rnams kyi gsung las/ bskal bzang 'di la rje btsun byams pa'i rjes su/ rgyal ba seng ge 'byon par gsungs pa de jo bo rje yin par bzhed do/ /lnga pa de'i rjes su slob pa'i bshes gnyen byon tshul la gnyis/ rgya gar du byon tshul dang / bod du byon tshul lo/ /dang po ni/ rgya gar/ kha che/ u rgyan/ gser gling / li yul/ bal po rnams su dngos slob paNDi ta dang / grub thob du ma dang / de dag gi yang nying slob bsam gyis mi khyab pa zhig byon la/ bi kra ma shi lar yang slob ma paNDi ta ratna kirti/ ta thA ga ta rakShi ta/ su ma ti kirti/ bai ro tsa na rakShi/ bA lo ka na kA shI la sogs pa sum cu tsam yod kyang / thun mong ma yin pa'i slob ma lnga ni/ paNDi ta chen po bi to pa/ dharmA a ka ra ma ti/ dbu ma seng / bshes gnyen gsang ba/ sa'i snying po rnams ni jo bo dang rtogs pa byin rlabs mi mnyam yang / mkhyen pa mnyam pa tsam du grags so/ /gnyis pa bod du byon tshul ni/ gangs ri'i khrod 'dir rab tu byung ba dang skye bo phal che