[A:49b]phal cher 'di las mched cing / a ti sha nas brgyud pa'i chos skor la nyams len mdzad pas slob brgyud du gyur pa yin no/ /gzhan yang glo bo'i yul nas ston pa yang rab sogs dang / gtsang stod nas grags ston che chung gnyis/ legs 'brel che chung gnyis byon/ gtsang smad nas 'gar mgos yol gsum zhes grags che bas/ de dag gi lo rgyus cung zad bshad na/ rong pa 'gar dge ba gsal gyis jo bo la mdo sngags kyi chos mang du zhus/ khyad par lU hi pa'i dbang bka'/ lha sbas kyi 'grel pa la brten pa'i bshad bka'/ chos tshan dgu la sogs pa'i rdzogs rim yongs su rdzogs par gsan nas/ des lha rje bstod pa/ steng pa zla gsal sogs la brgyud do/ /rje 'gos ni/ rus 'gos/ yab yum rus gcig pas khug pa/ lhas phug tu 'khrungs pas lhas btsas te/ gyi jo zla ba'i 'od zer dang 'grogs te rgya gar du byon/ spyir paNDi ta bdun cu/ mkha' 'gro'i bla ma gnyis la chos gsan/ de'i tshe paNDi ta mnyam po la'ang / 'dus pa la kha zin che bar snang bas/ thog mar gsang 'dus la slob gnyer mdzad de/ 'dus pa la mkhas pa'i paNDi ta bcu tsam bsten pa'i nang nas/ yul bhaM ga la'i mkhas pa chen po dI paM ka ra zhes rgya gar du 'dus pa gsan pa'i dpon slob yin la/ jo bo'i gsang 'dus 'phags skor thams cad mnga' zhing / bod du yang chos mang du gsan te rtsa ba'i slob ma yin/ spyir sngags thams cad/ khyad par du gsang ba 'dus pa la mkhas par grags/ 'di la slob