[A:49a]bsgyur/ de nas yo ga rnams gsungs te bod du jo bo'i yo ga'i 'khor 'dus pa dang po lo chung legs shes yin gsungs/ lo tsA ba dge blo ni/ lo chen gyi slob ma rig pa can gyi khye'u lnga'i nang nas/ gnyis kha cher tshad pas grongs/ gsum ni smra lo tsA ba dge ba'i blo gros/ mang wer gyi lo tsA ba byang chub rtse mo/ ljang lo tsA ba rin chen gzhon nu dang gsum las/ 'di nyid dang po ste/ lo chen la mkhas par sbyangs/ jo bo chen po'i drung du chos mang du zhus yun ring du bsten/ lam sgron sogs 'gyur mang du mdzad do/ /go mi sgom chen ni/ jo bo la lo chen gyi rnal 'byor rgyud kyi skor gsan pa'i dus su sbyong rgyud dang / gtsug dgu'i dbang dang / rgyud kyi bshad pa sogs gsan te da lta yang go mi nas brgyud pa kun rig sogs bsnur lugs su grags pa rnams so/ gzus rdo rje rgyal gyis dang por klu mes can du byon te mdo rtsa 'grel pa dang bcas pa sogs 'dul ba'i gzhung rnams la mkhas par sbyangs/ de nas jo bo'i drung du theg pa che chung gi chos mang du gsan te/ ngas bslabs pa'i chos thams cad kyang lam du song gsungs/ 'di la bu chen bzhi ste/ stod du zhang zhung pa rgyal ba'i shes rab/ 'dzim pu gzhon tshul/ dbus su 'brom seng dkar/ bstod pa ye shes bla ma/ de rnams kyi slob ma rgya 'dul 'dzin yin la/ 'dis dgung lo brgyad cu rtsa lnga bzhugs/ grwa ba 'dul ba'i bshad nyan pher ba stong phrag lhag pa sogs byung ste/ bod du 'dul ba'i bshad grwa rnams dang / 'dul 'dzin gser ri'i phreng ba lta bu byon pa rnams