[A:50a]ma rgyud kyi ka ba tshugs pa bzhi/ man ngag gi gdung theg pa brgyad/ las tshogs dang 'phrin las la mkhas pa lcam dang gral ma ltar dpag tu med pa byon no/ /yol chos dbang ni/ sku mched gsum ste/ yol drang srong / yol thog 'bebs dang gsum ka jo bo'i dngos slob tu gtogs pa yin yang / 'dir dang po ste/ jo bo gtsang nyang tsho gnas su phebs dus/ jo bo'i zhal nas/ da nangs tho rangs nam mkha' la hriHdkar po sgra dang bcas pa cig byung / bcu gcig zhal gyi sku li ma 'di la phog de las 'od 'phros bod thams cad 'od kyis khyab nas 'od de ban chung gzhon nu zhig la phog pas/ de'i sgyu lus 'od gsal du shar ba rmis gsungs/ nyi ma rtse shar la yol chos dbang btsun chung lo bcu drug lon pa gcig gis dar dang gser phul/ bdag la thugs rje chen po'i gdam ngag zhig zhu zer bas/ jo bo dgyes nas bcu gcig zhal gyi sku de yang gnang / spyan ras gzigs dang / rta mgrin sogs kyi chos skor rnams snga phyir rdzogs par gnang / thugs rje chen po zhi khro mang du zhal gzigs te dngos grub brnyes so/ /gzhan yang stod lung gnam gyi rdzing kha ba/ mal shes rab sems pas jo bo la yun ring du bsten te/ bsgoms pas smin mtshams nas 'od zer byung / de'i rjes sems bcug nas bsgoms pas zhing khams mang po mthong ba byung ste/ jo bo la lam du 'gyur ram zhus pas/ zhi gnas kyi cha mthun yin/ bla ma mtshan nyid dang ldan pas zin na lam du 'gyur gsungs/ yang lan cig snye thang na/ jo bo'i gzim chung du khong