[A:༢༠༧]སྐད་ལོ། །བརྟན་གཡོའི་བྱེད་པོ་གཅིག་པུ་པར། །སྲིད་པས་བསྐོས་པའི་
ལྷ་
ཚངས་ཆེན་ལས། །ལྷག་པའི་སྐྱབས་གཞན་དམིགས་སུ་མེད། །མེས་པོ་
དེ་ཉིད་ནས་བརྩམས་ཏེ་
དྲང་སྲོང་གི་
རྒྱུད། །གཙང་མའི་རིགས་འཛིན་པ་
ཁོ་བོ་ཅག །དཀོན་
མཆོག་གསུམ་གྱི་
སྐྱབས་གནས་
དང་གཽ་ཏ་མའི། །རིང་ལུགས་དག་ལ་ལྟོས་མ་མྱོང་ཞེས
། །སྨྲ་བ་དེ་
ལ་སྙིང་རྗེ་དཀྱིལ་འཁོར་དེ་
ཀུན་རྫོགས་པའི་
ཐུགས། །ཡུལ་གང་ལ་ཡང་
གཡོ་བ་
མེད་པའི་
མཚན་མ་དང་ལྡན་པའི་
ཤེས་རབ་ཀྱི། །དབང་ཕྱུག་རྨོངས་པའི་དགྲ་བཅོམ་པར་མཛད་པའི་ཞལ་གྱི་
མཆུ། །དམར་གསལ་དུ་
སྦྱོར་བས་ལན་གསུངས་པ། །དྲང་སྲོང་ཞེས་བོད་པ་མཛད་ནས་ཁྱོད་རང་
བསྐལ་པའི་མིག་དག་ལྡོངས་ཚོ་ཁྱབ་བདག་སྣང་བའི་བདག་པོ་ཉི་མ་
ཆེན་པོ་དེ་ཉིད
། །རིས་མེད་དུ་
ཤར་ཡང་མཐོང་བྱར་མེད་པ་
དེ་སུ་ཞིག་གི་
ལས་ཀྱི་
མཐའ་ཡིན་པ་
ལ་ལྟོས་ཤིག །རང་ཉིད་
གཅིག་པུར་གནས་ཀྱང་རང་ལུས་ལས་སྐྱེས་གཉིས་པའི་གྲོགས་པོ་གྲིབ་མའི་གཟུགས་དེ་ཡང་
། །ཁྲེལ་བས་སྨྲ་བཅད་ཀྱི་
ཟོལ་ལ་རྟེན་པར་
བྱེད་ན་དེ་བས་ཁྱོད་ཉིད་
སྡིག་པའི་གཏམ་དེ་
དག་ཡོངས་སུ་སྨྲ་བར་
མ་བགྱིད་ཅིག །
དེ་ཕྱིར་ནམ་མཁས་གར་ཁྱབ་པའི། །དབྱིངས་གང་སངས་རྒྱས་ཐུབ་པ་
དེའི་རང་བཞིན་ཡིན་ཏེ
། །མ་གུས་པའི་
སེམས་འཆང་བ་
ཁྱོད་རང་ཡང༌། །ཡེ་ཤེས་དེར་དབྱིངས་གཅིག་
ཐིམ་པ་ལས་
གུད་དུ་མེད་ཅིང་
། །ཁྱོད་ཀྱི་རྣམ་འདྲེན་ཚངས་པ་
གདོང་བཞི་པ། །ངེས་པར་ཐུབ་པ་མཆོག་ལ་དད་པ་ཡིན་ཏེ
། །དེས་ན་ཚངས་པ་
གང་གི་མགོན་པོར་གྱུར་པའི་སངས་རྒྱས་དེ་
ལ། །ཁྱོད་
ཅིའི་
ཕྱིར་དད་པ་དང་
འདུན་པ་
ལྷོད་པར་བྱེད་པ་ཡིན་ནམ
། །ཚངས་པ་དེ་ཉིད་ཀྱི་
ཀྱང་རྨོངས་པ་
ཆེན་པོ་
འཁོར་བ་ཡི། །མངལ་གྱི་རྒྱ་ལས་ཐར་པར་
མ་གྱུར་པ་དེའི་ཕྱིར
། །གཏི་མུག་མུན་པའི་དྲ་བ་ཆེན་པོ
ས། །བཅིངས་ནས་མནལ་བ་སྟེ་གཉིད་དུ་སོང་
བ་མ་ཡིན་ནམ། །ཞེས་སོགས་རྒོལ་བའི་གླང་ཆེན་ཁྱུར། །འཇིགས་པ་
མེད་པའི་
སེང་གེ་ཞུགས་པའི་སྐད་ཀྱི་ང་རོ
། །དང་པོར་བསྒྲགས་པ་ཙམ་ཉིད་ན། །འཕྲོག་བྱེད་
དེའི
་སྙིང་བཟོད་དཀའི་དོགས་པས་ནོན་པར་གྱུར་ཏ་རེ
། །ཐ་སྙད་ཀྱི་
སྤྲོས་པར་ཟད་པའི་མཐའ། །མེད་ཀྱང་རང་ཉིད་
ཚིག་གིས་དབུལ་བའི་བློར། །སེམས་
འཁུ་བར་གྱུར་པའི་
ཕྱིར་འགྱུ་བ་བསྡུས་པ་ཡི། །རེ་ཞིག་
ཅི་ཡང་མི་སྨྲའི་