[A:232]Ti ka/ yum ston rab gsal sogs rtsom pa'i sgo yang phye/ slar mus chen nyid kyi thugs rje'i zhags pa drangs te/ mus su byon/ bya lor zab chos gsan pa dang / gsang 'dus rtsod spong sogs mdzad/ so brgyad pa khyi lo rje mus chen chos rgyal rnam rgyal grags bzang gis/ byang ngam rings su spyan drangs te zhabs 'bring du bkod do/ blo gsal 'ga' la legs bshad kyi skyes dang / kun rig rtsod spong / kye rdor rtsod spong sogs rtsom gyi me tog kha phye/ me pho khyi la de nyid kyi rgyal zla ba'i tshes bco lnga la blo gsal don gnyer can bcu phrag bzhi dang bcas/ rin spungs nang so don grub rdo rje dpon slob kyis mthun pa'i rkyen sbyar te rta nag gser gling du chos kyi grwa btsugs/ khyi lo de nas sbrul lo'i bar lo brgyad kyi ring la ha cang blo gsal mang ba min pa'i don gnyer can sha stag la 'chad pa'i dbyangs kyis ngal gsol/ nyid kyi zhe lnga pa chu mo sbrul gyi lo de nyid la/ thub bstan rnam par rgyal ba'i gling chen po btab/ 'dus pa'i tshogs chen po la mdo sngags kyi dga' ston ngo mtshar rmad du byung bas spyir bstan pa'i snying po/ khyad par sdom rigs kyi bstan pa rma med pa sor chud/ nyid lnga bcu rtsa lnga pa chu mo yos la e waM chos ldan gyi seng ge'i khri la zhabs sen bkod de/ me pho rta'i bar lo bzhir rdo rje 'chang yab sras kyi dgongs pa rdzogs par mdzad/ rta lo de la yongs 'dzin dkon mchog 'phel rgyal tshab tu dbang bskur te/ slar yang rnam par rgyal ba'i gling chen por phyag phebs/ skal ldan rnams la mdo sngags kyi bka 'a drin stsal/ slar re gcig sa mo bya'i lo/ dpal ldan sa skyar chos kyi dga' ston spel/ tshur lam sngon mo rdzong du chos kyi dga' ston rtsol ba'i tshe cho 'khrul zla ba'i nyer