[A:296]tshig gi don la mkhas pa yi/ /nges par byin gyis brlab par bdag gis shes/ /zhes gsungs shing zhal gyis bzhes pa lags so/ /
gnyis pa bar du skra drin che ba shong dpang yab sras ji ltar byon pa'i tshul ni/ de yang thog mar bdag nyid chen pos srol legs par btod pa de nyid rgya gar gyi gzhung phal mo che bsgyur ba dang / bshad pa'i rgyun ches cher dar bar mdzad pa po ni shong dpang yab sras rnams yin pas bod la bka' drin shin du che'o/ unaudited
de yang thog mar shong lo tsA ba rdo rje rgyal mtshan ni la stod lho'i dpyad lung shar gyi bong ra zhes par sku 'khrungs/ gzhon nu la rab tu byung / go yul ba mdo sde dpal rgyal mtshan gyi drung du/ dus 'khor chag lugs/ bde kye phreng ba skor gsum sogs mang du gsan cing / gar thig rtsis la mkhas par sbyangs/ gza' gsal bar byed pa'i sgron me sogs rtsis kyi bstan bcos mang du mdzad/ de nas tsha nar srag bde ba'i drung du phar tshad mngon sum la mkhas par sbyabs/ dus 'khor gyi skor shog ldebs bzhi bcu tsam phyag bris su bris nas yon du phul te/ 'bro lugs kyi dbang rgyud bshad pa man ngag dang bcas pa gsan/ 'phags pa rin po ches snga res sa skyar byon pa na bstod pa'i tshigs su bcad pa spel legs phul nas lo tsA slob tu 'gro bas rdzong bar zhu zhus pas/ de lta bu'i blo skye ba bzang / re zhig gzhung lugs gsar pa bsgyur ba'i nus pa ma byung yang / /paNDi ta la slob gnyer dang dri gtugs legs par gyis shig kho bos kyang chos rje pa brten yun thungs pas/ sdeb sbyor me tog gi chun po dang / tshig gter sogs tshul bzhin mi shes par