[A:302]che las grol/ /'jigs pa med pa seng ge'i khyim du slebs/ /dpal ldan blo gros brtan pa'i bsam pa 'grub/ /ces gsungs/ skabs der sa skyar byon nas/ lo mchog pa la mnga' ba'i bka' lung mtha' dag bum pa gang byo'i tshul du gsan/ shas cher gnas po cher bzhugs nas/ rtsom bshad bsgyur gyi sgo phye/ slar sa skyar byon/ chos mang du gsungs/ de'i skabs su bo dong e'i dge 'dun rnams kyis rgyal sras thogs med la gdan sar gsol ba btab pas/ bdag gis mi yong / nged kyis lung bstan pa ltar byas na de'i brgyud pa bdun gyi bar du lugs gnyis kyi sa sde 'di la phan par 'gyur ro zhes gsungs so/ de la dge 'dun rnams kyis kyang bka' bzhin bgyid pa zhu ba'i ngo chen phul ba na/ sems dpa' chen po des kyang dpang lo rtsa ba'i drung du phebs te/ dpal e'i dge 'dun rnams ni nyid la mkhan por gsol ba 'debs kyis/ bdag la yang ngo chen gyi lus su bgyid pas na/ de ni mgon po khyed kyis mdzad par rigs so zhes thal mo thugs kar sbyar bas bdag nyid chen po de ni thugs shin tu rings par gyur cing / 'jig rten gyi spyod pa la rgyab kyis phyogs pas/ gu ru thogs med thos pa'i gtam la snyan/ /nyin kyi zhal nas legs bshad ma gtogs pa/ /nyes par snang ba ga la srid pa ste/ /kho bo'i mkhan po chen po rtag bde pa/ /seng ge rgyal mtshan gyis kyang ma thob pa'i/ /gdan sa yin pas de ring rang la 'gro/ /'gyur na mi yong da lta rang la 'gro/ /zhes gsungs shing / khri thog tu phebs nas bstan pa'i bya ba yun ring mdzad/ de nas dbus su byon pa'i lam du glegs bam mang po slob ma la bkye ba'i mnal lam byang bas zla ba bcu drug gi bar du dbus su bzhugs nas/ lha