[A:303]sa/ bsam yas/ gung thang / stag lung / rwa sgreng / gsang ne'u thog rnams su dus 'khor/ dgongs rgyan/ phar tshad mngon gsum/ dbu ma rgyan/ sgra snyan ngag zab mo'i mdo lnga sogs chos mang du gsungs pas/ dbus kyi dge ba'i bshes gnyen phal mo ches gsan/ da ni shi yang mi 'gyod do zhes gsungs/ de nas snar thang du mchims blo bzang pa sogs la dgongs rgyan snyan ngag sogs gnang / de na e dang sa skyar byon/ si sogs kyi mtha' dpyad 'jam dpal grags pas mdzad pa
tsandra pa'i yi ge'i mdo/ ting mtha'i bya ba/ slob dpon gtsang kha shas mdzad pa'i 'grel pa mdor bstan/
sogs gzhi 'gyur dang zhu chen mang du mdzad cing / dus 'khor 'grel chen gyi bstod 'grel ka lA pa snyan ngag me long gi 'grel pa/ tshogs gsum gsal ba
sogs bstan bcos mang du mdzad nas/ de bdun pa chu pho rta'i nag pa'i tshes bcu gsum la bde ba can du gshegs so/ /
lo chen 'di la ni slob ma 'jam dbyangs don yod rgyal mtshan mched gnyis/ bu dol lo tsA ba ma ti rnam gnyis/ gung thang bde blo/ lo chen byang chub rtse mo sogs mang du byung zhing /
bu ston rin po ches ni gtso bor thar lo nyi ma rgyal mtshan la sgra gsan no/ /mkhas pa 'di la rig gnas kyi dogs gnas mang du zhus nas/ 'grel pa dur sing yongs su rdzogs par 'gyur ba sogs dur sing gi 'grel pa spyan gsum 'bangs kyis mdzad pa phal cher bsgyur
'gyur mang po dang / ka lA pa'i 'grel pa yang mdzad/ slob ma'i gtso bo sgra tshad pa rin chen rnam rgyal sogs la gsungs pas/ rig gnas kyi bshad rgyun shin tu dar ba byung /