[A:304]sa bzang ma ti paN chen gyis ni ka lA pa'i 'grel pa shin tu rgyas par mdzad cing / rang gi slob ma sa bzang 'phags pa dang / lo tsA ba dpal ldan smra ba'i seng ge sogs la gsungs shing / 'phags pa'i rdo rje 'chang kun dga' bzang po la yang sgra snyan ngag legs par gsungs so/ /
gung thang pa bde blos mnga' ris su rig gnas legs par spel zhing / snyan ngag gi 'grel pa dang gtam rgyud ganggA'i tshu rgyun sogs mdzad/ slob ma'i mchog lo chen byang chub rtse mo ni zur tsho zhes par yab gzhon nu dpal bzang / yum dpang lo'i lcam mo ye shes sman ne gnyis kyi sras su shing mo yos la 'khrungs/
bdun pa la dpang lor dge bsnyen nod/ shong gi dbon po chos skyong dpal las rab tu byung /
bcu drug pa la gung thang gnas po cher dpang lo la mngon tshad gsan cing sbyangs/ dpang lo e'i gdan sar bzhugs dus lo bzhir rig gnas phal mo che la sbyangs/
nyer gsum pa la 'jam dbyangs don rgyal bas mkhan po/ dpang los las slob/ chos rje bla mas gsang ston mdzad de bsnyen par rdzogs/
nyer lnga pa la lo tsA ba mkhas par mkhyen/ dpang lo zhi bar ma gshegs kyi bar phyi bzhin 'brengs nas dus 'khor sogs nyid la mnga' ba'i yon tan ma lus thugs su tshud/
de nas bu ston/ chos rje bla ma/ rgyal sras pa rnams la/ rgyud sde rgya mtsho'i dbang rgyud man ngag dang bcas pa gsan/ nyams su bzhes pas/ grub