[A:306]de'i slob ma'i mchog lo tsA ba nam mkha' bzang po/ /lo chen grags pa rgyal mtshan shes rab dpal sogs mang du byon pa las/ lo tsA ba nam mkha' bzang po ni sgra tshad dus 'khor rnams la mkhas par gyur nas/ lo chen gyi phyag phyi dang / gnas gzhan du yang / dus 'khor/ ka tsan/ snyan ngag sdeb sbyor sogs la bshad pa mang du mdzad/ lo chen byang rtse'i phyag phyi mdzad na ka lA pa'i 'grel pa slob phan yongs su rdzogs par 'gyur ba la sogs pa'i phyag rjes kyang shin tu che/ /
lo chen byang chub rtse mo dang / lo chen nam mkha' bzang po gnyis char gyi slob ma ni/ bo dong pa shes rab dpal ste/ 'di nyid kyis ra ma tsandra'i 'grel pa rdzogs par bsgyur cing rig gnas bshad pa'i slob ma po dong pa rdo rje rgyal mtshan gyis ka lA pa'i uN sogs kyi 'grel par durga senghas mdzad pa dang / byings kyi mdo si sog kyi mtha' dpyad bram ze'i slob dpon sarba dha ras mdzad pa sogs 'gyur mang po mdzad do/ /
lo chen grags pa rgyal mtshan ni lo chen byang chub rtse mo'i rus dbon yin zhing / nyid la ji ltar mnga' ba'i chos thams cad thugs su chud cing / e dang gyam gyi gdan sar bzhugs te mdo rgyud rig gnas kyi bshad pa rgya cher stsal bas/ slob ma mkhas par gyur pa grangs las 'das pa zhig thon/ sras kyi mchog ni bo dong paN chen phyogs rgyal rnam rgyal te 'dis mkhyen pa la ni mtha' med cing / rtsod pa'i sgo nas kyang g.yag mi chos kyi bla ma/ rong ston shes bya kun rig /rigs pa smra ba bsod nams skyabs/ mkhas grub dge legs dpal la sogs pa'i spobs pa bcoms/ rtsom pa'i sgo nas de nyid 'dus chen