[A:307]zhes bya ba ste/ bzhugs tshul yang 'jug pa'i sgo bzhi/ phyi nang gi gnas lnga/ bshad sgrub rin po che'i yan lag dang nye ba'i yan lag brgya phrag rim par phye ba brgya drug cu/ le'u nyi khri chig stong drug brgya/ man ngag bdud khri nyis stong / chos choms brgyad khri bzhi stong / po ti brgya dang bcu yod pa yin no/ /
'chad pa'i slob ma thon tshul yang / bzo rig nas bzung yongs su rdzogs pa'i bar/ /de dang de yi bka' babs nyi shu gsum/ /'jam pa'i rdo rje mi yi zlos gar mkhan/ /rnam dag 'khon gyi gdung brgyud rnam pa gsum/ rig sngags 'chang ba'i khyu mchog chen po gcig /nyi ma zla ba ltar grags mkhas grub gnyis/ /'jig rten gsum gyi mig gcig lo chen gsum/ /phyogs las rnam par rgyal ba'i bshes gnyen drug /ces sogs mang du gsungs pa'i nang nas/
nyi zla ltar grags pa gnyis ni/ dang po mkhas grub dge legs dpal bzang po ste/ 'dis ni nags shod pa chos dbang grags pa sogs dge phyogs kyi rig gnas smra ba thams cad kyi rig gnas chu rgyun spel ba'i rgya mtsho mdzad pa yin la/ zla ba lta bu ni/ gsung rab rgya mtsho chu gter gyi mngal las thon te/ yongs su rdzogs pa'i bstan pa'i nam mkhar 'chad rtsod rtsom gsum gi dkyil 'khor yongs su gang bas/ mkhas par btags pa'i ri bong gis sgeg cing / tha snyad kyi gtsug lag rgya mtsho'i 'od dkar gyi snang bas blo gsal ku mu ta'i tshogs rgyas par mdzad pa la mkhas pa dpang lo tsA ba ba chen po'i sku'i skye ba snye thang blo gros brtan pa bzhi par bod pa de yin