[A:309]bzung bas tha snyad rig gnas mkhas pa'i slob ma mang du byung zhing / slob ma'i mchog ni 'gos lo tsA ba gzhon nu dpal te/ 'dis ni dbus su rig gnas kyi srol rgya cher btod cing / slob ma'i mchog khrus khang lo tsA ba bsod nams rgya mtsho ste dpon slob 'di gnyis nas dus 'khor dang rig gnas kyi bshad rgyun 'phel ba ni kar 'brug?'drug gnyis sogs mtha' yas pa zhig yod pas bka' drin shin tu che ba yin no/ /
slob ma'i mchog chos 'khor sgang pa lo chen shes rab rin chen ni/ yab don grub rgyal po dang / yum lha mo skyabs zhes bya ba'i sras su shing mo bya'i hor zla bzhi pa'i tshes gsum la 'khrungs/ mtshan dkon mchog skyabs su btags/
dgung lo bdun la yi ge thams cad mthar phyin/ slob dpon gzhan du byon pas yig?mig phrug pa rgan gzhon bco lnga skor gyi slob dpon mdzad/
dgung lo nyi shu'i bar du yab yum gyi dgongs pa bskang phyir rab tu byung rgyu ma byung yang / de'i lo thabs mkhas pos seng ge rgyal mtshan dpal bzang po'i drung du rab tu byung / ka ri ka lnga bcu pa sogs mdo phyogs la sbyangs pa mdzad de bshad pa yang brtsams/ thams cad ngo mtshar bar gyur/ gzhan yang chos 'khor ba yab sras kyi drung du mdo phyogs kyi chos thams cad legs par sbyangs shing / sngags kyi dkyil chog du ma dang / tshig rtsa la sbyangs pas mkhas pa chen po rnams la yang dgag sgrub du ma mkhyen pa byung /
de nas dngus 'bras spungs sa 'jam dbyangs bkra shis dpal ldan la mdo phyogs mang du gsan cing gra skor gzhung shin tu mang ba mdzad cing / gra