[A:308]te/ 'dis kyang dbus su rig gnas kyi bstan pa cher dar bar mdzad do/ /lo tsA ba thams cad gsum ni e'i lo tsA ba chen po bsod nams bzang po/ lo tsA ba rdo rje rgyal mtshan/ lo tsA ba thugs rje dpal lo/ /
yang tsho tsA ba nam mkha' bzang po dang / lo tsA ba shes rab dpal gnyis kyi thugs kyi sras dam pa ni/ shab smad lo tsA ba thugs rje dpal te/ 'di ni rig gnas la shin tu mkhas pa tsandra pa'i 'grel pa dharma dA sa rdzogs par bsgyur/ ka tsan gnyis la 'grel pa shin tu rgyas shing mtha' yod pa bzhugs tshogs chen po re mdzad cing / tha snyad rig gnas kyi bshad rgyun rgyas par spel ba las/ slob ma'i mchog gtsang du chos 'khor sgang pa shes rab rin chen/ zha lu pa gzhung brgya smra ba bkra shis rgya mtsho/ gnas brtan legs pa rgyal po/ snar thang lo tsA ba sangga shrI/ bo dong shes rab bzang po/ chos 'khor lo tsA ba manydzu shrI/ nyid kyi zhabs pad yun ring du bsten pa grags pa'i mtshan can/ dbus su rong ston thams cad mkhyen pa/ rje byams pa gling pa la sogs pa'i mkhas pa dpag tu med pa bskrun zhing / tha snyad ri pa'i tshul 'di shin tu rgyas par mdzad do/ /
de yang snar thang lo tsA ba sangga shrI ni ka tsan la sogs pa'i sgra mdo nyi shu tsam gyi sa ris la thogs pa mi mnga'/ ka lA pa la TIkka yongs su rdzogs pa legs pa phul du phyin pa yang mdzad/ snyan ngag me long gi TIkka bklags pas don thams cad 'grub pa don rgyan gyi dper brjod mi 'dra ba gnyis/ sgra rgyan gyi dper brjod shin tu legs pa/ sngags kyi klog thabs sogs yig cha'i rigs phul du phyin pa mang du mdzad cing bshad pa'i srol