[A:317]ma las byung bas/ yid ches shing dad pas kun nas blangs te yongs su rdzogs par bris pa'o/
rtogs pa'i yon tan yang gzhon nu'i dus su lha khang bskor du byon pa na/ mgon po beng gi skus rigs kyi bu khyod mngon par sangs ma rgyas kyi bar du kho bos bsrung ba dang / skyob pa dang / sba bar bya'o zhes gsung byon pas/ grung khyer gyi nad ngan pa bsrung ba'i thugs dam mdzad pa na/ gdugs mchog tu mdzes pa nyis rim phub pa'i sgrol ma'i sku dngos su bstan nas/ grong khyer bsrung ba'i tshul mdzad par gzigs pa dang / mnal lam du dpal ldan birwa pa la kye rdo rje'i dbang bskur gsan pa dang / khams pa brtson 'grus zhes bya ba'i mi ngan zhig gis rje'i phyag rdzas mang du brkus pa zin kyang slar gnang ba dang / bstan pa dang sems can la phan na dmyal ba'i g.yang sa la yang 'jigs par mi bya zhes gsungs shing / zhal gyis bzhes pa sogs yon tan bsam gyis mi khyab?khyang /
de nas dbus su byon/ stag lung chos rje/ zhwa nag pa/ zhwa dmar ba sogs bla chen gsum la sgra dang snyan ngag gi gsung gi bdud rtsi yang yang stsal/ zhwa nag cod pan 'dzin pa chos grags rgya mtshos spyan ras gzigs kyi sku shin tu legs pa sogs gnang sbyin dpag tu med pa stsal te/ bod kyi skye bo blo gsal sgra dang snyan ngag dang sdeb sbyor mngon brjod la sogs pa'i tha snyad rig gnas kun legs par slob pa'i bstan pa'i sgron mer bkas yang yang bskul zhing bsngags pa rgya cher stsal/
nga gsum pa la rgya ston lcags ri ba'i gdan sar phebs/