[A:318]nga lnga pa la grwa pa mngon shes can gyi gdan sar phebs/
don bzhi pa la bu ston rin po che'i gnad sar phebs te/ spyir mdo sngags gnyis dang / lhag par rig gnas la bshad rgyun yang yang spel/ gsung rtsom kyang ka tsan gyi spyi don/ 'grel pa rnam pa gnyis/ byings mdo'i bsdus don/ ka lA pa'i sa bcad/ nyer bsgyur gyi 'grel pa rgyas 'bring bsdus gsum/ snyan ngag me long gi 'grel pa/ sdeb sbyor gyi gnad bsdus pa/ dag yig za ma tog aShTa'i byings sgrub pa sogs sngags kyi byings sgrub mang po/ mtshams sbyor gyi 'grel pa gnyis sogs bstan bcos kyang mang du mdzad pas gangs ri'i khrod kyi blo gsal gzur gnas thams cad kyi bkur sti'i gnas dam pa dang / lashag par rig gnas kyi bstan pa'i bdag por 'gyur pa yin no/ /
de ltar gsung las skyes pa'i thos pa 'dzin pa yang gangs ri'i khrod kyi mkhas pa dang grub pa thams cad kyi chod pan dam pa 'jam dbyangs pa lo tsA ba gnyis pa kun dga' bsod nams grags pa rgyal mtshan dpal bzang po/ /rje btsun sprul pa'i lo tsA ba ratna bha dra/ mthu stobs chos rje ngag dbang bsod nams mtshan can/ nyid kyi dbon po lo tsA ba chen po padma dkar po/ skyob lo tsA ba ngag dbang rin chen bkra shis/ ka tsan gyi don khong du chud cing / gangs can gyi brda'i tshul la ma rmongs pa'i g.ya' bzang pa mkhas btsun dbang po la sogs te/ mkhas pa chen po sa skya lo tsA sogs/ /lo tsA legs par shes pa rnam dgu dang / /gangs can khrod na tha snyad gtsug lag la/ /legs par bya ba'i mkhas pa du ma yod/ ces gsungs pa ltar lo tsA ba chen po dgu dang / tha snyad rig gnas la mkhas pa dpag tu med pas gangs can