[A:90] 'pho skye ba sogs 'byung 'gyur mngon sum du gzigs pa dang / sra mkhregs kyi brag la phur pa btab pa sogs grub pa'i mtshan ma'ang skal ba dang ldan pa rnams kyi ngor snang / mdor na mkhas btsun grub pa'i yon tan rgya mtsho'i mthar son kyang / rang gi yon tan bum nang gi mar me ltar sba bar mdzad pa jo bo bka' gdams pa'i rnam thar la thugs phyogs pas rang nyid mkhas pa dang grub par nam yang zhal gyis mi bzhes pas 'di kho na'i ngo mtshar kyang bsam gyis mi khyab/ rdo rje 'chang gyi khri la zhabs pad bkod de/ ngor e waM pa'i phyogs su gtogs pa rnams bal dmag gi 'jigs pa las bskyabs pa sogs chos dang 'jig rten gyi sgo nas phan 'dogs mdzad/ de lta bu'i snyan pa'i grags pas thugs 'phrogs te/ sa skyong sde dge chos rgyal yum sras kyis spyan drangs te gus pas mchod/ dpal lhun grub steng sogs phyogs de'i chos sde che phra du mar dbang lung man ngag gi 'chad spel dang / cho ga'i phyag len/ rim gnyis kyi rnal 'byor sogs bshad sgrub kyi bstan pa 'khrul med du spel/ snga phyir gsung ngag tshogs bshad lan du ma dang / slob bshad lan gnyis kyis mtshon zab rgyas chos kyi 'khor lo rtag tu bskor ba'i grub 'bras sku'i dbon mched sogs bstan