[B:52a] phyin pa de la bal por mi 'gro bar la stod lhor sdod pa'i ltas su byung / nged rnams kyis don grub nas shi chad med par tshang mar slebs pa rje btsun mas byin gyis brlabs par dgongs nas/ de'i btang rag tu phyir lam gsol ba btab cing na bza' ras yug gcig 'bul ba gnang / de res la stod lhor dpon slob lngas bzhugs/ gzhan dge ba'i bshes gnyen bdun gyis nyi ma ldog gdong la bal por byon/ paN chen spyan 'dren pa'i sbyor ba la brtson par bgyis kyang kho khom gyi rgyal po dang / bod kyi gnas po ko ka se'u la sogs pa'i 'dod pa ma khangs par rgyun rings su 'thogs nas/ la stod du skad cha gang yang ma slebs/ nang zla dros pa'i stobs kyis sa gzhi dro sa rnams su sngo mang du skyes pa'i skabs su thugs kyang cung [A:123]zad ma bde bar gyur pa na/ lung pa ral gsum 'dug pa'i dbus ma de sku lus su gyur/ g.yas ma de phyag g.yas su song nas ral gri cig bzung / g.yon pa de yang phyag g.yon du song nas phub cig bzung ba'i rje btsun bi rU pa'i sku shin du che ba/ grub pa'i dbang phyug gi cha lugs can gzi mdangs dang ldan pa zhig gi mdun na / rgyu rdo las grub pa/ rdo la 'bur du dod pa snyam byed pa'i paNDi ta 'khor dang bcas pa ha cang kha dog mtshar ba min tsam zhig 'dug bi rU pa des de'i bsrungs ma byed pa yin zer ba zhig byung / mnal sad pa dang paN chen cung zad 'gor ba zhig la phebs pa'i mtshan mar dgongs pa yin no/ dgung lo bdun bcu rtsa gcig bzhes pa chu pho rta'i lo
1462lo
la stag lung phebs nas dpal dus kyi 'khor lo'i rgyud 'grel pa dang bcas pa'i bshad pa dang / gsang ba 'dus pa 'grel pa dang bcas pa la sogs pa'i sngags mtshan nyid kyi gzhung chen mo du ma dang / rgya bod kyi gdams pa mang po 'bul pa'i skabs su zla ba bcu gnyis pa'i nang du/ dus 'khor sgrub le gsung ba'i dus/ bud med nag mo gos hrul ba rgyan cha med pa zhig byung nas/ chos gsung ba'i phyag dpe phyag na rnams nas 'dug pa snyam byed pa la/ mo na re khyed