[B:52b] kyis phyag gi chos gsung 'phro de yang nga la tshur thong / da de dpon slob kyang sngar bzhin mi 'ong bar 'dug zer bas/ bar gcod dumakhyen nas/ dpe cha bsnams nas bros pas de'i lag tu phyag dpe yang ma shor bar thar ba zhig byung gsung nasade'i sang de chos ja skol/ chos gsan mkhan rnams la'ang rnam bzhag re mdzad do/ gzhan yang chibs pa gcig la chibs nas gyen la phebs pa na jag pa mang du byung bas/ mgyogs par gtong bzhed kyang chibs pa 'gro ma shes pa'i ngang la jag [A:124]pa go mtshon can mang pos rgol du byung pa'i tshe/ rta'i sug po bzhi nas phyag gis bsdus te/ nam mkha' la gshegs pas gnod par ma nus pa la sogs pa du ma zhig gsung ba des mtshon nas/ snyung drag pos thebs pa'i dus gzhan du'ang / rmi lam gyi ltas bzang pos bar chad bzlog pa'i lo rgyus mang du yod mod kyi/ phal cher zin bris su ma thebs shes gleng ngo / dus phyis 'on gyi mda' gsas khang rtse min gzhan yang dgon pho brang du bzhugs shing / bdag kyang zhabs drung na bsdad pa'i nyin gcig phyi dro/ mnal cung zad byung ba la/ gzims khang gi nang thams cad bud med kyis gang bas de bar chad du mkhyen nas/ phyag dpe po ti rnams rgyab cing gsung drag pos bskrad pas/ phyogs kun du bros song / zhes bdag la bka' gnang nas zhag gcig gi bar du gsung 'dzer ba tsam ma gtogs/ dpon slob thams cad la nyer 'tshe ci yang ma byung ba mngon du gyur to/
23 sgrib pa med pa'i chos kyi sgo phul du byung ba mngon du brnyes pa zhes pa ni/
sngar zur tsam smos pa bzhin/ rong ston smra ba'i seng ge chen po snye phu na chos gsung ba'i sar byon nas/ dpon slob thams cad byang chub gling dang chu shul rdzong du chos bar bteg pa'i dus/ bzad pa chos rgyal bzang pos/ rong ston chos rje dpon slob 'ga' zhig bzad mthongs smon du gdan drangs pa'i phyags phyir byon nas/ dge bshes kha cig chos kyi 'bel gtam gyis tshim par mdzad pa'i skabs su/ phyi'i skyed tshal du gung sangs la phebs te/ kham bu'i sdong po'i bsil grib la bzhugs pa'i tshe/ de bzhin gshegs pa'i snying [A:125]